கார்பன் ரெஸிஸ்ரர்கள்

கார்பன் ரெஸிஸ்ரர்கள் மிகவும் சிறிதாகவே இருக்கும்.  ஆனால் அவற்றின் மதிப்பு 10 கோடி ஓம்ஸ் வரை இருக்கும். இதில் "கார்பன்"(கரி) மிகவும் பிரதானமான பொருளாகப் பயன்படுத்தப்படுகிறது, 102 மூலப் பொருட்களில் காபன் 6 என்ற அணு எண்ணைக் கொண்ட எலிமென்ட் ஆகும். ஒரு மண்ணெணை விளக்கிலிருந்து வரும் புகையை ஒரு கண்ணாடியில் படும்படி வைத்துக்கொண்டால் அந்தப் புகைப்படலம் ஒரு நல்ல கார்பனாக அமையும். இதோடு சிறிதளவு கண்ணாடி, பேக்லைட் சேர்த்துவிட்டால் அது ஒரு நல்ல கார்பன் ரெஸிஸ்ரராக அமைந்துவிடும். கார்பன் ரெஸிஸ்ரர்கள் 0.25, 0.5, 1, 5 வாட் வரை கிடைக்கின்றன. இவற்றின் மதிப்பு அப்படியே அதன் மேல் 100ஓம், 1000ஓம் என குறிப்பிடப்படுவதில்லை. அதற்கு பதிலாக பல வண்ணங்களில் ஒரு ஓரமாக 3 மோதிரங்கள் போல் கோடிட்டு அதன் மதிப்பை தெரிவிக்கிறார்கள்.

 முதல்  மூன்று வளையங்கள் தான் அதன் மதிப்பைத் தெரிவிக்கும் அதனை அடுத்துள்ளவை தங்கக் கோடு 5%  அல்லது வெள்ளிக்கோடு 10%. இதை "டாலரன்ஸ் கலர்"  என்றும் சொல்வர்.

உதாரணத்துடன் பல ரெஸிஸ்ரர்கள்  மதிப்பை எப்படி கணக்கிடுவது என கவனியுங்கள். முதல் வட்டம் என்ன என கவனியுங்கள். அந்த வண்ணத்திற்குரிய எண்ணை அந்த ரெஸிஸ்ரரின் முதல் அளவாகவும், மூன்றவது வண்ணத்திறகுரிய எண்ணிற்கு ஏற்ப முதல்  இரு எண்களையும் அடுத்து அத்தனை பூஜ்யங்களையும் சேர்த்து மொத்தமாக பார்த்து அறிந்து கொள்ளவேண்டியதுதான்.

முதல் வட்டம் சிகப்பு வண்ணமாக இருந்தால் 2என குறிக்கவும், 2வது வட்டம் பச்சை வண்ணமாக இருந்தால் அதற்குரிய எண் 5யும் சேர்த்துக்கொண்டால் 25 என்று ஆகிவிடும். அதை அடுத்து 3வது வண்ணமாக ஒரேஞ்ச் இருந்தால் அத்ற்கேற்ப மூன்று பூஜ்யங்களை சேர்துதுக்கொண்டால் 25,000ஓம்ஸ் என கிடைத்துவிடும். ஆயிரம் என்ற எண்ணை மெற்றிக் முறையில் கிலோ என சொல்கிறோம். ஆகவே இதன் தடை மதிப்பு 25K ஓம்ஸ் ஆகும்.

எந்த ரெஸிஸ்ரரிலும் முன்னும் பின்னும் கறுப்பு வண்ணம் இருந்தால் அத்ற்கு மதிப்பு எதுவும் கொடுக்காமல் நடுவிலுள்ள வண்ணத்திற்குரிய மதிப்பை மட்டும் எடுத்துக்கொள்ள வேண்டும். அதாவது 11 ஓமிலிருந்து 99ஓம் வரை உள்ள இரு ஸ்தான் மதிப்புள்ள ரெஸீஸ்ரர்களின் கடைசி வண்ணம் கறுப்பாகவும், 1லிருந்து 9 ஓம் வரையுள்ள ஒரு ஸ்தானரெஸிஸ்ரர்களில் மதிப்பு முதல் வண்ணமும் கடைசி வண்ணமும்  கறுப்பாக இருக்கும்.

சில ரெஸீஸ்ரர்களீல் கடைசி வண்ணம் வண்ணமாக இருப்பதற்கு பதிலாக வெள்ளி அல்லது தங்க வளையம் இடப்பட்டிருக்கும். இது வெள்ளியாக இருந்தால் முதல் இரு வளையங்களிக்குரிய மதிப்பை 100 ஆல் வகுத்து கொள்ள  வேண்டும். தங்கமாக இருந்தால் முதல் இரு வளையங்களுக்குரிய மதிப்பை 10ஆல் வகுத்துக் கொள்ளவும்.

தங்ககோடோ வெள்ளி  கோடோ இல்லாமல் காலியாக விடப்பட்டிருந்தால் அதன் மதிப்பு 20% கூடும் அல்லது குறையும் என்று பொருள்.

பதிவுலகில் எந்த துறையை தேர்ந்தெடுப்பது?

எல்லோருக்கும் தாமும் ஒரு வலைத்தளம் வைத்திருக்க வேண்டும் என்ற ஆர்வம் இருக்கும். அந்த வலைத்தளத்தினை பார்க்கும் எல்லோரும் பயன்பெற வேண்டும்  என்ற எண்ணத்துடனேயே தகவல்களை இடுவர். அந்த வகையில் நாம் இடுகின்ற தகவல்களானது பார்ப்பவர்களுக்கு உதவுகின்ற வகையில் அமைந்திருக்க வேண்டும். அதற்கு நம் வலைத்தளம் எந்த துறை சார்ந்த தகவல்களை அடக்கியது என்பதுவே முக்கியமாக அமைகிறது.

எந்த துறையை தேர்வுசெய்வது?

பெரும்பாலானவர்கள் எந்த துறைசார்பாக அதிகளவு வலைத்தளங்கள் காணப்படிகின்றதோ அதுபோலவே தாமும் அமைத்துவிடுகின்றனர். இவ்வாறு அமைத்துவிட்டு சிறிதுகாலம் சென்றதும் புதிதாக என்ன தகவலை இடுவது என்று தெரியாமல்  மற்றவர்களை காப்பி அடிக்கும் நிலமை வராமல் இருக்கவே நான் ஒரு ஐடியா வைத்திருக்கிறேன்.  அதாவது நீங்கள் ஒவ்வொருவரும் என்ன தொழில் செய்கிறீர்களோ அது சார்பாகவே உங்கள் வலைத்தளத்தயும் அமைத்திடுங்கள்! உதாரணமாக நீங்கள் ஒரு விஞ்ஞான பாட ஆசிரியராக இருந்தால் விஞ்ஞானம் சார்பான உயிரியல், பௌதீகவியல், இரசாயனவியல் சார்பான தகவல்களை தினமும் இடலாம். இது உலகிலுள்ள மாணவர்கள் எல்லோருக்கும் மிகவும் பயன்படக்கூடியதாக இருக்கும்.(இந்த பதிவை படித்துக்கொண்டிருக்கும் நீங்கள் என்ன வேலை செய்பவர்?) நீங்கள் கணினி சார்ந்த தொழில் செய்பவராக இருந்தால் அதுசார்பான வலைத்தளத்தை ஆரம்பிக்கலாம்.

இந்த வழிமுறை மூலம் தம்மிடம் உள்ள புதிய விடையங்களை எல்லோர்க்கும் பயன்படுமாறு பகிர்ந்திடலாம். இங்கு தெரிந்தவற்றை மட்டும் சுயமாக இடுவதால் மற்றவர்களை காப்பி அடிக்கவேண்டிய தேவை ஏற்படாது.